P5.768 trilyong 2024 national budget isinumite na sa Kamara
MANILA, Philippines — Isinumite na sa Kamara ni Budget Secretary Amenah Pangandaman ang P5.768 trilyong 2024 National Expenditures Program (NEP) na nakatakdang himayin at busisiing mabuti ng mga mambabatas.
Tiniyak naman ni House Speaker Ferdinand Martin Romualdez kay Pangulong Ferdinand Marcos Jr. na aaprubahan ang pambansang pondo bago mag-recess ang session ng Kongreso sa Oktubre.
Binigyang diin ni Romualdez na sasailalim sa masusing deliberasyon ang pondo at magiging transparent sa pagbusisi ng ‘spending plan’ ng gobyerno.
“We will make sure that every centavo of the national budget will be spent wisely and contribute to our goal of reigniting the fires of our economic forges. Sisiguruhin namin dito sa Kongreso na lahat ng buwis na ibinayad ng ating mamamayan ay maibabalik sa kanila sa pamamagitan ng mga programa at proyekto ng gobyerno. Bawat pisong naidagdag sa kaban ng bayan, mapapakinabangan ng taumbayan,” anang Speaker.
Anya, ang taunang national budget ay ang blueprint ng mga prayoridad na pondohan ng pamahalaan.
- Latest
