National Museum dinhi sa Sugbo gidagsa og mga bisita

CEBU, Philippines — Gipahibawo sa National Museum of the Philippines-Cebu pinaagi sa ilang official Facebook Page nga mokabat sa kapin sa dos mil ka tawo ang nibisita sa museum sa unang adlaw sa ilang operation niadtong Martes, August 1, 2023.

Nasayran ang NMP-Cebu maoy pinakadako nga museum sa Visayas Region nga nagpakita sa bahandi sa Sugbuanon ilabi na sa nanglabay nga panahon.

Adunay lima ka mga gallery ang NMP-Cebu apan sa pagka karon upat palang ang gibuksan sa publiko.

Giinagurahan ang maong edispisyo niadtong Hulyo 28, 2023 nga gipangulohan ni President Ferdinand ‘Bongbong” Marcos Jr uban sa mga opisyal sa kaulohan.

Ang maong museum bukas kini sa adlaw nga Martes ngadto sa Domingo alas nuybe sa buntag ngadto sa alas singko sa hapon nga libre sa tanan.

Gi-awhag usab sa NMP-Cebu ang katawhan sa dili pagdala sa mga butang sama sa dagkong bag o luggages, pagkaon ug mainom; tumblers, bottled water; kalo, payong, video cam, selfie stick ug tripods, headset, art materials, duwaan, tanom, mga regalo, package ug pets tungod kay wala silay baggage counter. (BANAT NEWS)