Naugdaw ang karaang kombento sa Catholic Parish of San Vicente Bato sa Dakbayan sa Toledo niadtong Lunes sa kadlawon. Si FO3 Jercel Rose Versodazo sa Toledo City Fire Station nga nahinabi sa GMA Super Radyo DYSS nagkanayon nga nadawat nila ang alarma sa sunog nga alas 2:42 sa kadlawon. Sa ilang pag-abot nidako na ang kayo ug nakontrolar sulod sa 11 ka minutos.

Usa ka emergency portal kun agianan ang itukod sa Kapitolyo ug sa pribadong kompaniya alang sa mga residente nga namuyo sa luna nga gipanag-iya sa Kapitolyo diha sa barangay Luz dakbayan sa Sugbo.

Miabot na sa 1,210 ka mga bata sa Dakbayan sa Talisay ang nakapahimulos sa libreng tuli nga gipahigayon sa City Health Office sa siyudad.Una niini, si Talisay City mayor Gerald Anthony “Samsam” Gullas nidalit sa libreng tuli alang sa kabataan nga kabus nga lisod makapatuli gumikan sa bayronon.

Gipahibawo sa National Museum of the Philippines-Cebu pinaagi sa ilang official Facebook Page nga mokabat sa kapin sa dos mil ka tawo ang nibisita sa museum sa unang adlaw sa ilang operation niadtong Martes, August 1, 2023.

Lalaki nga niluwat og dili maayong pulong batuk sa mga LGBTQ+ sa dakbayan sa Mandaue nihimo ug public apology sa iyang facebook page.