Lalaki nga misaway sa LGBTQ sa Mandaue nangayo og pasaylo

CEBU, Philippines — Lalaki nga niluwat og dili maayong pulong batuk sa mga LGBTQ+ sa dakbayan sa Mandaue nihimo ug public apology sa iyang facebook page.

Usa ka Roch Dungog, ang nangayo ug pasaylo tungod sa kakulang sa iyang self-awareness, human siya nihimo ug derogatory remarks may kalabutan sa Mandaue City Pride Flag niadtong nakalabay nga Hunyo 15, 2023.

Kahinumduman si Dungog gipatawag ni Mandaue City Treasurer Atty. Regal Oliva human sa giingong kalapasan niini sa LGBT Code and Safe Spaces Ordinance sa maong dakbayan.

Si Dungog ug Oliva nagtagbo niadtong Martes aron paminawon ang storya niini ug personal usab kini nga nangayo ug pasaylo. Si City Legal Officer Atty. John Eddu Ibañez ug Oliva ni edukar kang Dungog may kalabutan sa maong ordinansa ug gimanduan kini nga mangayo ug public apology.

Si Oliva, nipasaylo ni Dungog ug nipadayag nga gusto niini nga daghan ang mahimong kauban ug dili kaaway.

Si Dungog nipadayag nga ang iyang ignorance dili excuse aron moluwat sa maong mga pulong, diin daghan sa mga tawo ang nasakitan.

Kini maoy hinungdan nga kinasingkasing ang iyang pagpangayo ug pasaylo ug matud pa niya nga dili niya intention ang pagpasakit ug nisaad nga padayon nga mosuporta sa equality, respect ug pagsabot ilabi na sa LGBTQ+ Community. (BANAT NEWS)