Krimen sa Central Visayas nikunhod ngadto sa 37.50 porsyento
CEBU, Philippines — Nikunhod ang index crimes sa rehiyon-7 kini base sa datos nga gipagawas sa Police Regional Office-7.
Gikan sa Hulyo 17 hangtud sa 24, 2023 ang kapolisan sa Central Visayas nakatala og 64 index crimes. Apan gikan Hulyo 24 hangtud sa 30 karon gihapon nga tuig anaa na lang sa 40 ang natala nga index crimes 37.50 percent.
Matoud ni Police Lieutenant Colonel Gerard Ace Pelare, tigpamaba ni PRO-7 nga dako kini nga pagkunhod sa krimen.
Nagkanayon usab kini nga ang mga nahitabong krimen sama sa pagpamusil ilabi na sa siyudad ug Probinsiya sa Sugbo gitutokan na aron masulbad.
"Last year there was still restrictions in our movements but now makita nato ang mga kriminal nanggawas sad", matud ni Pelare.
Si Pelare nanawagan kini sa publiko nga padayon nga mo kooperar sa kapolisan aron magpabiling hapsay ug malinawon ang Central Visayas.
Ang index crimes mao kini ang crimes against person ug property such gilangkuban sa murder, homicide, physical injury ug rape, carnapping/carjacking ug cattle rustling. (BANAT NEWS)
- Latest
