Gamiton na sa tag-iya ang yuta

Dear Atty. Divine,

Duna koy pangutana  labot sa yuta nga among gipuy -an sud na sa 10 ka tuig.

Dili kami ang tag-iya  sa yuta ug gusto na mi nga papahawaon kay gamiton na daw sa tag-iya ang yuta.

Nag- abang  mi sa maong yuta. Ang akong pangutana kun naa ba mi katungod nga mosupak  ug mobabag sa pagpapahawa namo considering nga dugay na mi nagpuyo sa maong lugar? Unsay angayan namo nga buhaton? Daghang salamat.

Jessica

* * *

Dear Jessica

Bisan kun 10 ka tuig na mong nagpuyo sa maong lugar, di gihapon kamo makabuot kun gamiton na sa tag-iya ang maong yuta.

Kini bisan pa kun nagbayad kamo og abang sa inyong pagpuyo sa  maong lugar.

Kay basi sa balaod, ang tag-iya sa usa ka property sama sa yuta maoy dunay katungod nga modesisyon kon unsay iyang buhaton niini.

Kun aduna moy contract nga gipirmahan ang inyong buhaton mao lang ang paghangyo sa tag-iya nga tiwason ang term sa inyong contract, apan kun wa moy pinirmahan then inyo nalang hangyuon ang  tag-iya nga hatagan mo og igong panahon aron makapangita mo og kabalhinan. Thank you and God bless.

Atty. Divine

* * *

Alang sa inyong pangutana palihug lang sa lpag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.