Fil-Am physician sa Knicks moboluntaryo sa FIBA World Cup
CEBU, Philippines — Ang Fil-Am nga doctor nga si Erwin Benedict Valencia nga dul-an napulo ka tuig ng ringside physician sa New York Knicks mobalik dinhi sa nasud aron moboluntaryo para sa Pilipinas nga mo co-host sa umaabot nga 2023 FIBA World Cup.
Si Valencia mao ang Team Physical Therapist and Wellness Lead sa Knicks sud sa tulo ka season ug siya maoy Director of Training and Conditioning. Karong bulana, usa siya sa FIBA World Cup courtside medical team isip volunteer.
“I've spent almost 20 years in professional sports here in the US, to be able to be home and have literally the world come to the Philippines, parang perfect homecoming for me,” matud pang Valencia sa Philstar.com.
Matud pa niya, duha ka tuig siyang misuway pag volunteer sa nagkalain-laing teams apil na sa Team USA, Gilas Pilipinas ug Team Lebanon apan walay nidawat kaniya. Apan niadtong nakalabay nga Hunyo, gidungog iyang pag-ampo nga makaserbisyo para sa nasud ug kini atol sa pinakadako nga basketball tournament sa kalibotan sa dihang giimbitar siya sa iyang higala nga si Dr. Rich Pasion nga sama niya naa sab sa sports medicine ug maoy medical director sa Focus Athletics.
“I just want to volunteer. I want to help. I'm flying myself there. I’ll stay at my parent's place,” matud pang Valencia.
Si Valencia eksperto sa orthopedic, primary care, physios, athletic training ug strength coaching.
Nagtuo siya nga ang iyang taas nga kasinatian sa NBA dako og matabang ilabi na nga makamao siya og mag Pilipino. “I’ve served other people in another part of the world for so long.
It's such an honor to be able then to serve those people from another part of the world back in my hometown,” puno pa niya. — IBM
- Latest
