CIT-U Wildcats coach gisuspenso sa CESAFI
CEBU, Philippines — Human sa gihimong mga imbestigasyon sa CESAFI ad hoc committee bahin sa karambola tali sa CIT-U Wildcats ug UC Webmasters human sa ilang duwa didto sa Moalboal niadtong Abril 24,2023, ang maong komitiba mipahamtang og usa ka tuig nga suspension batok ni Wildcats Coach Edsel Vallena.
Ang komitiba nga pinangulohan sa ilang tsirman nga si Atty. Boyet Velez ug vice-chair Atty. Marven Panares miingon nga nalapas ni CIT-U head coach Vallena ang CESAFI Ground Rules and Regulations sa ikatulo nga higayon.
Ubos sa CESAFI Ground Rules and Regulations, particular sa pamatasan ug taras sa mga players ug coaches, kun katulo na kin inga kalapasang gihimo, pahamtangan sila og usa ka tui nga suspension, matud pa sa post sa Facebook page sa CESAFI.
Sumala pa sa maong post, niadtong Hunyo 8,2019 nakakita sab og bikil si Vallena atoll sa CESAFI game batok sa UV Green Lancers. Nasundan kini niadtong Oktubre 15, 2022 sa duwa sab tali sa CIT-U ug USJ-R
. Tungod sa maong duha ka insidente, gisuspenso si Vallena sa CESAFI. Ang torneyo sa Moalboal may bendisyon sa CESAFI ug nalapas na sab niini ang mga patakan sa CESAFI maong gisuspenso na sab siya sa ikatulong higayon, apan ning tungora usa ka tuig o sa tibuok CESAFI 23rd Season.
Gawas kang Vallena, gisuspenso og duha ka duwa ug multa nga P10 mil kada usa ug mag community service og upat ka oras ang CIT-U players nga silang Eduard Clarete, Jr., Key Suano ug John Edward Jabonete ingon man ang nakaaway nilang UC players nga silang Joseph Arth Nalos ug Mhark Jhon Ecal. Ang suspension sa mga players epektibo sa unang duha ka duwa sa Season 23.
Apil sab sa gisilotan ang partner ni Vallena ug mga igsuon ni Nalos. Gi-ban sila nga makatan-aw sa venue sa duwa sa tibuok CESAFI Season 23.
Silang UC President Atty. Augusto Go ug CIT-U President ug kanhi CESAFI president Engr. Bernard Villamor midawat sa findings sa ad hoc committee ug sa rekomendasyon ug gipahamtang nga silot ni CESAFI Commissioner Felix O. Tiukinhoy, Jr.— IBM
- Latest
