1,210 ka bata nakapahimulos sa libreng tuli sa siyudad sa Talisay
CEBU, Philippines — Miabot na sa 1,210 ka mga bata sa Dakbayan sa Talisay ang nakapahimulos sa libreng tuli nga gipahigayon sa City Health Office sa siyudad.Una niini, si Talisay City mayor Gerald Anthony “Samsam” Gullas nidalit sa libreng tuli alang sa kabataan nga kabus nga lisod makapatuli gumikan sa bayronon.
Lakip sa mga barangay nga nakapahimulos sa libreng tuli sa mga bata mao ang barangay Linao, Barangay San Roque nga dunay 177 ang natuli, gisundan sa Barangay Lagtang nga dunay 151, Jaclupan 126, Tanke 124 ug Linao nga 100 ka mga bata.
Ang pagtuli mao ang pagsunod sa proper hygiene sa usa ka bata nga mopaingon na sa iyang pagkabatan-on.
Karong Agusto 7 ug 8 eskedyul kini alang sa mga bata sa Maghaway ug Tabunok.
Mosunod na dayon ang Barangay Mohon, Pooc, Tapul, Cansojong ug Lawaan 1. (BANAT NEWS)
- Latest
